Qırım platforması. Qırımtatar Milliy Meclisiniñ Başınıñ çıqışı

13 Sentâbr 2024

Qırım platformasınıñ Dörtünci sammitinde çıqışta bulunıp, Meclisniñ Başı Refat Çubarov, rusiyeniñ işğal etilgen yarımadadan qırımtatarlar ve ukrainalılarnı çıqaruv siyasetine diqqat celp etti.

Qırımtatar Milliy Meclisiniñ Başı Refat Çubarov şunı bildirdi: vaqtınca işğal etilgen Qırım Muhtar Cumhuriyeti ve Aqyar şeerinde Rusiye Federatsiyası, silâlı birleşmeler ve onıñ işğalli memuriyeti tarafından Ukrainanıñ tamır halqı ve ukrainalılarnıñ aqları kütleviy şekilde bozula.

“Bundan ğayrı, añlamalımız ki, on bir senedir devam etken işğal ve cemaatnıñ tüm yaşayış saalarına – bala bağçaları ve mekteplerden başlap – kütleviy teşviqat neticesinde vaqtınca işğal etilgen Qırımda yaşağan insanlarnıñ bazılarınıñ fikilerinde deñişmeler qaçınılmaz”, – dep Refat Çubarov bildirdi.

Meclisniñ başı qoştı ki, müim adımlar endi yapıldı, şu cümleden “Ukrainanıñ tamır halqları aqqında” Ukraina Qanunı qabul etildi. Şu anda onıñ bazı qaideleri, implementatsiya basamağında buluna.