Qırım platforması. Bizim maqsadımız – Ukraina toprağınıñ er bir parçasını, şu cümleden Qırımnı da qaytarmaq — Rustem Umerov

12 Sentâbr 2024

Mudafaa naziri Rustem Umerov Ukraina prezidentiniñ reberliginde keçirilgen Qırım platformasınıñ sammitinde iştirak etti.

Ukraina Mudafaa nazirligi bunı bildirdi.

• “Menim içün bu, tek iş körüşüvi ya da halqara ortaqlarnen bağ qurmaq imkânı degil. Bu şahsiy küreşimdir. Qırım — menim evimdir, ve er kün men, millionlarnen ukrainalılar kibi, öz devletim ve yarımadadaki halqımız içün Rusiye işğali acısını duyam”, — dep Rustem Umerov ayttı.

Onıñ qayd etkenine köre, Rusiye yarımadanı Ukrainağa qarşı tecavuz içün meydançıqqa çevirerek, toprağımıznı raketa ücümleri içün qullana.

• “Qırım — azatlığımız içün küreşniñ esas meydanıdır. Ve biz onı evge qaytarmazdan evel toqtamaycaqmız”, — dedi Mudafaa naziri.

O, hatırlattı ki, soñki sene devamında, uzaq mesafeli silâ sayesinde, Ukraina Qara deñizde küçler balansını deñiştirdi ve Rusiyeden mustaqil “ububat koridorı”nı açtı, onıñ içinden 5000-den çoq gemi keçti.