Qırımda işğalciler kütleviy şekilde “tenbiyelemege” devam eteler

05 Sentâbr 2024

Rusiye uquq qorçalayıcıları, qırımtatar milliy areketiniñ faalcilerine “qanunnı bozmaq mümkün olmağanı aqqında ihtarnameler”ni bereler. Şu cümleden, berim ayınıñ 5-nde milliy areket veteranı, vefat etlen Veciye Kaşkanıñ evine böyle bir kâğıt ketirildi. O, 2017 senesi 83 yaşında, işğalci tarafından sert tevqif etilgende vefat etti.

Bu, 2014 senesinden başlap işğalciler tarafından senede bir qaç kere qullanılğan qorquzuv usulı oldı. Adet üzre kiçik aynıñ 23. künü – Noman Çelebicihannıñ hatıra künü, mayısnıñ 18. künü – qırımtatar halqınıñ genotsid qurbanlarını añma künü, bozarğannıñ 26. künü – qırımtatar bayrağı künü, arman ayınıñ 24. künü – Ukraina mustaqilligi künü, ilk qış ayınıñ 10. künü – İnsan aqları künü. Bu sefer, ğaliba, olar yaqın künlerde keçirilecek “saylavlar” ögünde qorquzmağa qarar aldılar, – dep Meclisniñ reisiniñ birinci muavini Nariman Celâl bildirdi.