Nariman Celâl ve Tamila Taşeva Estoniya Elçiligini ziyaret ettiler

28 Avgust 2024

Meclisniñ reisiniñ birinci muavini Nariman Celâl ve Prezidentniñ Qırım Muhtar Cumhuriyetindeki Daimiy Temsilcisi Tamilla Taşeva Estoniya Cumhuriyeti parlamentiniñ Riykihor tış işleri eyyetiniñ reisi Marko Mihkelsonnen körüştiler.

• Estoniya parlamentçılarınıñ 1944 senesi sürgünligini qırımtatar halqınıñ genotsidi olaraq resmiy şekilde tanımasına qol tutqanları aqqında söz yürsetildi. Estoniya yaqın kelecekte Ukraina, Latviya, Litvaniya, Kanada ve Poloniyağa bu meselede qoşula bilecegini eşitkenime quvandım, – dep Nariman Celâl ayttı.

Marko Mihkelson Ukrainanıñ topraq bütünligine samimiy qol tutqanını bildirdi ve Qırımnıñ Ukrainağa qaytarıluvı sadece vaqıt meselesidir, dep işandırdı.

• Rusiye yapqanı cinayetler içün mesüliyetke çekilmeli. Şura Birligi Ukraina ve Baltiya memleketlerinde yapqanı cinayetlerden mesüliyetsiz qaldı. Putin ve bütün rus cinayetçileriniñ makemesi, em de Ukrainanıñ bütün topraqlarınıñ azat etilmesi – bütün dünyanıñ küreşmek kerek olğanı şeylerdir, – dep işandırdı Marko Mihkelson.