Nariman Celâl Barışıq formulasınıñ iş gruppasınıñ körüşüvinde iştirak etti

31 Iyül 2024

_{Fotoresim: Ukraina Ombudsmanınıñ ofisi}

Qırımtatar Milliy Meclisiniñ reisiniñ birinci muavini, Ukraina Yuqarı Şurasınıñ İnsan aqları vekâletlisi Dmıtro Lubintsnen beraber ukrain Barışıq formulasınıñ 4. maddesiniñ iş gruppasınıñ körüşüvine qoşuldı.

Oturışqa 41 iştirakçi qoşuldı: farqlı devletler, halqara teşkilâtlarnıñ (BMT, HQHE) vekilleri. Körüşüv, İş gruppasınıñ reisdeşleri – Ukrainadaki Kanada ve Norvegiya elçilerinen beraber keçirildi.

Tedbirge Rusiye Federatsiyasınıñ esirliginden azat etilgen ukrainler qoşuldı. Olar arasında Nariman Celâl ve Boğdan Ğeleta, em de Oleynivkadaki terror aktından sağ qalğan sabıq arbiy esir.

Nariman Celâl, ruslarnıñ apishanede siyasiy mabüslerni tutqanları yaramay şarait aqqında aytıp, olarğa tibbiy yardım köstermek kerekligini qayd etti ve olarnıñ azat etilmesine qol tutmağa çağırdı.

– Sizni yalıñız Rusiye apishanelerinden siyasiy mabüslerniñ azat etilmesine yardım etmege çağırmayım. Men Rusiye rejiminiñ azatlıq ve demokratiyağa qarşı cenkte esiri olğan yüzlerce Ukraina vatandaşlarınıñ sağlığı ve ayatını qurtarmağa çağıram. Bunıñ içün er bir serbest memleket tek öz printsipial noqta-i nazarını bildirmek degil de, Ukrainağa öz vatandaşlarını ve toprağını qorçalamaq içün yardım etmek kerek, – dep Nariman Celâl qayd etti.