Kyivde Qırım platformasınıñ mütehassıslar ağınıñ üçünci halqara forumı keçirilecek

21 Iyün 2024

Bozarğan aynıñ 24 ve 25. künleri Kıyivde Qırım platformasınıñ mütehassıslar ağınıñ üçünci halqara forumı keçirilecek. Anda ukrain ve halqara mütehassısları ve dünyanıñ 15-den çoq memleketiniñ vekilleri, bu yaz Ukrainanıñ vaziyetini qıymetlendirecekler ve Qara deñizde Rusiye arbiy imkânlarını eksiltmek içün qarar alacaq.

Qırım platformasınıñ matbuat hızmeti bu aqqında haber berdi, dep Suspilne Qırım bildirdi.

Bundan ğayrı, forumda Rusiye Federatsiyası ve onıñ ortaqları tarafından telüke saqlanılsa, Ukrainanıñ iqtisadiyatınıñ ğayrıdan tiklenüvine yanaşmalar belgilenecek.

“Halqara Qırım platformasınıñ bir qısmı olaraq keçirilecek tedbir — Qırımnıñ işğalden azat etilmesi ve reintegratsiyasına, Qara deñiz, Avropa ve cian havfsızlığını ğayrıdan yaratmağa doğrultılğan bir usuldır”, — dep bildirildi.

Tedbirde Ukraina Yuqarı Şurası, Ukraina Mudafaa nazirligi ve Ukraina Tış işleri nazirligi, Ukraina Milliy havfsızlıq ve mudafaa şurasınıñ vekilleri, mustaqil müethassıslar, halqara talil merkezleri, ükümetke bağlı olmağan teşkilâtlarnıñ vekilleri, Halqara Qırım platformasınıñ iştirakçisi olğan ülkelerniñ diplomatları ve akademik cemaatınıñ vekilleri iştirak etecekler.

Bozarğan aynıñ 24. künü konferentsiyanıñ kün tertibi

• “Qırım içün adalet: adaletli kelecek içün keçmişten dersler” subet paneli;
• “Büyük cenkniñ eki senelik müsbet ve menfiy tecribesini köz ögüne alıp, Rusiyege qarşı dünya sanktsiyalar siyasetiniñ ğayrıdan tiklenüvi” subet paneli;
• “Rusiyeniñ Ukrainağa qarşı silâlı tecavuzı ve tamır halqlarnıñ barışıq qurucılığı esnasına qoşulması” subet paneli.

Bozarğan aynıñ 25. künü konferentsiyanıñ kün tertibi

• “Yañı dünya tertibiniñ şekillenmesiniñ katalizatorı olaraq Rusiyeniñ istilâsı” subet paneli;
• “İqtisadiyat ve cenk: Qara deñiz bölgesiniñ içtimaiy-iqtisadiy inkişafı” subet paneli;
• “Ukrainadaki cenk şaraitinde medeniyet strategiyası: miras saqlav meseleleri” subet paneli;
• “KÖRÜN(ME)GEN Qırım: устуиєн kütleviy haber vastaları ne aqqında yaza” subet paneli.