Siyasiy mabüs İsmet İbragimov tibbiy yardımğa ihityac duya – aqrabaları

24 Mayıs 2024

19 senege maküm etilgen Qırımlı arap tilşınası İsmet İnragimov, tiş ekiminiñ yardımına ihtiyac duya. Siyasiy mabüsniñ aşqazanı da ağıra. Apayı Razie Mustafaevağa atıf eterek “Qırım birdemligi” bu aqqında haber berdi.

Qadınnıñ añlatqanına köre, keçken afta balalarınen beraber o, Rusiyeniñ Ulyanovsk vilâyetindeki Dimitrvğrad apishanesinde aqayını ziyaret etti. Bu, dört senelik apis devrinde ilk körüşüvi edi. 

İbragimov apayına ayttı ki, SİZOda tevqif müddeti yañıdan sayılğanı sebebinden apishanede beş yerine eki sene bulunacaq. Müddetiniñ qalğanını müstemlekede keçirecek, dep Qırım.Aqiqat bildirdi.

2020 senesi oraq ayınıñ 7-sinde Qırımnıñ farqlı rayonlarında bir qaç ev tintilgen soñ yedi insan tutuldı: makeme zalında İsmet İbragimov, Zekirya Muratov, Vadım Bektemirov, Emil Ziyadinov, Alim Sufyanov, Seyran Hayredinov tevqif etildi ve Aqmescitteki SİZOda qapatıldı. Tutulğan adamlarnı Rusiyede yasaqlanğan “Hizb ut-Tahrir” diniy teşkilâtına ait olmağa qabaatlaylar.