USQ Canköydeki uçaq limanına ateş açtılar

18 Aprel 2024

Çiçek ayınıñ 17-sinde gece maalinde Canköyde bir qaç patlama eşitilgen soñ arbiy uçaq limanında yanğın çıqtı.

USQniñ ücümi neticesinde rus ordusınıñ raketalarğa qarşı, ava mudafaası kompleksleri, radiolokatsiya sistemaları ve uçaqları bozuldı. Ukraina Mudafaa nazirliginiñ Baş istihbarat idaresiniñ vekili Andriy Yusov bu aqqında haber berdi.

Yusov, operatsiyanı müim ve miqyaslı sayladı, dep Qırım Aqiqat haber berdi.

“Ebet, anda raketalarğa qarşı, ava mudafaası kompleksleri bar edi, radiolokatsiya sistemaları yoq etildi, ordusınıñ uçaqları da bozuldı, dep aytalar. Bu, Ukraina Silâlı Quvetleriniñ muvafaqiyeli operatsiyası ve müim neticedir”, – dep istihbaratnıñ vekili ayttı.