Aytışmalarnıñ başlanması içün rusiye öz ordusını ukrain toprağından alıp çıqarmalı – Çubarov

12 Aprel 2024

rusiyenen er bir aytışmalar başlamadan evel rus askerleri Ukrainanıñ bütün işğal etilgen topraqlarından çıqarılmalı. Ukrainanıñ toprağından rus ordusı çıqsa, RFnen aytışmalar keçirmek mümkün olur. Qırımtatar Milliy Meclisiniñ başı Refat Çubarov Ukrinform mühbirine bunı qayd etti.

“Şimdi Ukrainanıñ menfaatı halqara ortaqlarınen siyasiy seviyede uyğunlaştı. Er kes ayta ki, Ukrainanıñ topraq bütünligi qaytacaq soñ bu cenık biter. Barşıq formulası bellidir, tecavuzcı ordusını alıp çıqara, Ukrainanıñ topraq bütünligi qayta. Bunı nasıl irişimek, bu formulanı nasıl yerine ketirmek mümkün olacağınen bağlı mesele bar. Şimdi ise rus ordusınıñ ukrain topraqlarından çıqarıluv mehanizmi aqqında laf etmek kerek”, – dep Çubarov ayttı.

Onıñ sözlerine köre, Ukrain ortaqlarınen bu mehanizmni yerine ketirüvnen bağlı areketlerini muzakere etmeli.

“Tecavuzcılar, tek öz talaplarınıñ esasındaki aytışmalar aqqında laf eteler. Olar, şu cümleden Ukrainadaki kritikli müim obyektlerge yañı ateşlerni açaraq, dünyağa tesir etecekler. Esasen, Kreml dünyağa tesir etmege devam etecek. Dünya siyasetçileri ise muayyen sözlerden qaçmağa tırışacaqlar. Kerçekten de Rusiyeni halqara uquq çerçivelerine qaytarmağa mecbur etmekten ğayrı başqa yolu qalmadı”, – dep Meclisniñ başı qayd etti.

Çubarovnıñ fikrince, rus tecavuzını toqtatmaq ve Ukrainanıñ topraq bütünligini qorçalamaq maqsadınen ortaq-devletler semereli orta tedbirlerni keçirmege qarar berseler, bozarğan aynıñ 15-16. künleri olacaq İsviçredeki kelecek barışıq sammiti, “bu meselege yol aça bilir”.

Keçenlerde Ukrinform haber berdi ki, bozarğan aynıñ 15-16. künleri İsviçre ükümeti, Ukrainağa barışıqnı qaytarmağa yönelgen yeksek seviyeli eki künlik konferentsiyanı keçirecek. Konferentsiyanıñ maqsadı – Ukrainada uzun devamlı barışıq yaratmaq içün uyğun şartlarnı ve “Rusiyeniñ barışıq ceryanında” iştirak etmesi içün muayyem yol haritasını” yaratmaqtır.