Siyasiy mabüs Osman Arifmemetov Krasnoyarskiy krayğa etap etildi

01 Aprel 2024

“Ekinci Aqmescit gruppası” davası çerçiveside 14 senege maküm etilgen siyasiy mabüs Osman Arifmemetov saban ayınıñ 18-inde Novoçerkasktaki 3. SİZOdan Rusiyedeki Krasnoyarskiy krayğa etap etildi.

Ailesine mektübinde bunı yazdı, dep “Qırım birdemligi” haber berdi.

Bildirildi ki, onen beraber Rusiyeniñ farqlı şeerlerine davasınıñ başqa iştirakçileri de etap etildi — Rustem Şeyhaliev, Ruslan Süleymanov ve Enver Ametov. Birinciden olar Voronejge keldiler, bundan soñ Ametov Lıpetskke, başqaları ise Samarağa yollandı.

“Men ve Rustem Krasnoyarskiy krayğa ketken olamız, Ruslan ise Çelâbinsk vilâyetine”, — dep anası Emdiyе Arifmemetovağa mektübinde qırımtatar adamı haber berdi.