İşğal etilgen Qırımda evler tintildi

29 Fevral 2024

Seyit Eli köyünde ve Eski Qırım şeerinde rus quvetçileri, dört qırımtatarnıñ evini tinttiler. Bundan ğayrı, işğalciler Eski Qırım camisini tinttiler.

Lenur Yakubov, “Eski Qırım” mustaqil musulman cemaatınıñ imamı İzet Sayfullin, faalci Şevket Kiyamov ve “Eski Qırım”nıñ başı İdris Yurdamovnıñ evleri tintildi.

Kıyiv vaqtına köre saba saat 06:40ta Yurdamovnıñ evini tintmege bitirdiler. Bundna soñ “Aşırıcılıqqa qarşılıq merkezi”niñ hadimleri onı alıp, Eski Qırım camisine kettiler. Ve camini tinttiler.

Saba saat 07:05te Sayfullinniñ evini tintken soñ onı alıp kettiler.

Saba saat 07:30ta Kiyamovnıñ evini tintmege bitirdiler. Onı tutmadılar.

Yakubovnıñ apayı Sevilâ Kantuğanska añlattı ki, tintüvler neticesinde saba saat 05:30 – 06:55 arasında işğalciler eki laptopnı, üç cep telefonını, onıñ pasportı ve kitapnı alıp çıqardılar.