Yırcı Jamala QIRIM albomı içün mukâfat aldı

11 Mart 2024

2024 senesi yırcı Jamala (Susana Jamaladinova) Taras Şevçenko adına milliy mukâfatınıñ laureatı oldı. 

Öz Facebook saifesinde yırcı bu aqqında haber berdi.

“Şevçenko mukâfatınıñ laureatım! Bu sözlerni yazam ve buña inanmayım!! Bu, er vaqıt tek ve yekâne olacaq Yevhen Stankovıç, Mıroslav Skorık, Lina Kostenko, Borıs Lâpoşınskıy, Vasıl Stus ve diger ulu insanlarnıñ kerçekten alğanları mukâfattır! Yoq, bu ruya degil!, – dep Jamala qayd etti.

Hatırlatamız ki, 2023 senesi mayıs ayınıñ 5-inde Jamala “QIRIM” albomını taqdim etti. O, 14 yır ve 15. trek OUTROdan ibarettir. Er bir yır, Qırımnıñ çeşitli yerini taqdim ete. Jamalanıñ er bir eseri, onlarca sene devamında Qırım yarımadasınıñ çeşitli yerlerinden toplana edi.