Qırımda işğalciler Qurultaynıñ vekili Dudakovnıñ evini tintken soñ onı tuttılar

13 Mart 2024

Bağçasaray şeerinde rus quvetçileri, Qırımtatar Qurultayınıñ vekili, Qurultaynıñ Teftiş eyyetiniñ azası Edem Dudakovnıñ evini tinttiler. Onı tuttıp qapattılar.

UPD: “Qırım birdemligi”niñ mühbiri haber berdi ki, evini tintkende işğalciler qoradan atladılar ve qapını açtılar. Olara, cam qapını qırdılaqr, demir qapını ise açamadılar ve qaqmağa başladılar. Saba saat 9:00da taqiqat işleri bitti. Dudakovnıñ evinde protokolnı tizdiler, amma ailesine kopiyasını bermediler.

Öz Telegram kanalında Qıırmtatar Milliy Meclisiniñ başı Refat Çubarov haber berdi, ki işğal etilgen “Aşırıcılıqqa qarşılıq merkezi”niñ işçileri, taqiqat işlerini yaptılar.

“Edem Dudakovnıñ evini tintken soñ rus tecavuzcıları onı alıp, Aqmescitteki FSB idaresine kettiler”, — dep Çubarov qoştı.

“Makeme. Qırım levhası” Telegram kanalınıñ Bağçasaray akimiyet organlarından mebusınıñ sözlerine köre, Aqmescittek quvetçiler evini tinttiler. Olar, cep telefonlarını ve başqa raqamiy aletlerni alıp çıqardılar. İşğalcilerniñ şu aeketleriniñ sebepleri arasında Dudakovnıñ içtimaiy ağlarda yayınlağanı sözler ola bile.

“Ev tintilgen soñ Edem Dudakovnıñ qanunsız tutuluvı, cenk cinayeti olaraq tanımaq mümkün. Ücümni teşkil etken quvetçiler, bu tür areketlerni keçirmege izin bergen makemeci, bu areketlerni yapqan AQMniñ işçileri, yañı cenk cinayetini yaptılar. Ve çoqtan bile mesüliyet alacaqlar”, — dep bildirildi.