Rustem Umerov cebede ordumıznıñ ücümine inana

26 Fevral 2024

Ukraina Mudafaa nazirligi,  cebede ordumıznıñ ücümine inana ve bunıñ içün “mümkün olğan ve olmağan” er şey yapa ve bu sebe “büyük” cenk planını azırlap çıqardı. Kiçik aynıñ 25-inde “Ukraina. 2024 senesi” forumında Mudafaa nazirliginiñ başı Rustem Umerov bunı bildirdi, dep Qırım.Aqiqat haber berdi.

“Cebede ordumıznıñ ücüm yapması içün mümkün olğan ve olmağan er şey yapamız. 2024 senesi içün plan endi azırlandı. Halq ögünde onıñ aqqında laf etmeymiz. O şiddetli, küçlü, o tek ümüt bermey, 2024 senesi netice de berecek. Biz, Telükesizlik ve mudafaa quvetleriniñ tüm bölüklerinen çalışamız”, – dep konferentsiyada Umerov ayttı.

Keçenlerde Fox Newske intervyı bergende Ukraina pr4zidenti Volodımır Zelenskıy haber berdi ki, 2024 senesi Ukraina tek özüni mudafaa etmeycek, yañı qarşı ücüm etmege de azırlanacaq.

Amerika Cenk araştırmaları institutı (ISW), Zelenskıynıñ sözlerini tefsir etkende bildirdi ki, ğarbiy telükesizlik yardımınıñ kemligi “bu tür operatsiyalar içün mania ve sıñırlamalarnı yarata bilir”.