Aqmescitte advokat Emil Kurbedinov tutuldı

15 Fevral 2024

Advokat ve siyasiy mabüs Emil Kurbedinov, onıñ tutulmasınıñ Qırımda rus mahsus hızmetleriniñ tesir usulı olğanını bildirdi.

 Facebookta “Qırım birdemligi” bu aqqında haber berdi, dep Ukrinform bildirdi.

“Elbette, bu vaqia menim ihtisasiy faaliyetimnen bağlıdır. Bu, Qırımda mahsus hızmetlerniñ advokatlarğa tesir usulıdır. Şu cümleden, makeme ceryanındaki davalar sebebinden. Men bilem ki, maña qarşı bu dava açıldı…”, – dep Kurbedinov ayttı.

O qayd etti ki, “elbette, içtimaiy ağlarda vatandaşlarnıñ aqları bozmalarınen bağlı malümat yayınladı, yayınlana ve yayınlanacaqtır”.

“Meni advokat olaraq bu sebebten mesüliyetke çekmezler. Bu malümat dos-doğrudır, başqa alda men onı yayınlamaz edim”, – dep Kurbedinov qayd etti.

Aqmescitteki FSB binası yanında Emil Kurbedinov tutuldı. RF MBQniñ 13.15. maddesiniñ 9. qısmı “Kütleviy malümat serbestligi suistimalı”na binaen oña qarşı protokol tizildi ve yiberildi. Protokolda qayd etildi ki, “KEMska volost” Telegram kanalındaki yayınlağan malümat sebebinden Kurbediov tutuldı.