Siyasiy mabüsler Ekrem Kroş ve Leman Zekeryayev SİZOda işkencelerni añlattılar

25 Yanvar 2024

Makeme oturışında qırımtatar Ekrem Kroş ve Leman Zekeryayev bildirdiler ki, Aqmescitteki 2. SİZOda olar işkenceler yaşadılar. “Qırım birdemligi” cemaat birleşmesine atıf eterek Suspilne bu aqqında haber berdi.

Kroşnıñ sözlerine köre, oña qarşı elektrik urucı qullandılar, eller ve ayaqlarnen urdılar.

“Üç saat devamında qıyışıp, ellerini kösterip oturğan edi. Aynı zamanda onı ruhiy sıqıştırdılar, sögdiler. Leman Zekeryayev bildirdi ki, oña qarşı küç qullandılar, urdılar, södiler ve ruhiy sıqıştılar”, – dep uquqçı Lilâ Gemeci añlattı.

Bundan ğayrı, “Gratı” Qırımdaki taqiqat izolâtorında yaşağanı azaplar ve işkenler aqqında Kroşnıñ airzasını yayınladı.

Qara qış ayınıñ 24-ünde saba maalinde Qırımnıñ şimalinde Canköy rayonında rus quvetçileri, qırımtatarlarnıñ evlerini tinttiler. Blijnegorodskoye köyünde Ekrem Kroş, Timofeyevka köyünde Ayder Asanov ve Refat Seidametov, Çoqraqlı Şeyh Eli köyünde Osman Abdurazakov, Canköyde Leman Zekeryayev ve Halil Mambetovnıñ evlerini tinttiler.