Siyasiy mabüs Vilen Temeryanov SİZOda aniden körme qabiliyetini coymağa başladı

27 Dekabr 2023

Taqiqat izolâtorında siyasiy mabüs, cemiyet jurnalisti ve faalci, «Hizbu ut-Tahrir» davasınıñ iştirakçisi Vilen Temeryanovnıñ körme qabiliyeti aniden zayıflaştı.

Onıñ apayı Elmaz Gaziyeva bu aqqında haber berdi, dep «Qırım birdemligi»ne atıf eterek ZMİNA yazdı.

Eşyalarnı diqqatnen közden keçirmege tırışqanı içün adamnıñ közleri er vaqıt ağıra. Temeryanov közlüklerni taqmağa mecbur. Közlüklerni aqrabaları oña alıp berdiler.

Şu anda qırımtatar adamı insandan 3 metr uzaqlıqta turğanda onıñ yüzüni köremey. Faqat bundan evel maşna qullana, uzaqta köre edi, dep apayına añlattı.

Bundan ğayrı, cemiyet jurnalisti şikâyet ete ki, onıñ midesi ağıra. Bunı SİZOdaki aş ve faal olmağan ayat tarzınen bağlay.

Bundan başqa, Temeryanov tişçiniñ  acelen yardımına ihtiyac duya. 

Hatırlatamız ki, 2022 senesi arman ayınıñ 11-inde Qırımnıñ Canköy rayonındaki Frayleben qasabasında Rusiye FSB işçileri, «Qırım birdemligi» ve «Grani.ru»nıñ mühbiri Vilen Temeryanovnıñ evini tinttiler. «Hizb ut-Tahrir»de iştirak etmege qabaatlatıp adamnı tuttılar.