Kefede “pamuq” patlaması: rfnıñ Qaradeñiz flotunıñ desant gemisi mahv etildi

26 Dekabr 2023

İlk qış ayınıñ 26-sınıñ gecesi Kefede RF Qaradeñiz flotunıñ “Novoçerkassk” büyük desant gemisi mahv etildi. 

Patlamalar neticesinde yaralanğanlar bar, bir insan öldi.

Yerli kanallnıñ bildirgenine köre, USQniñ Kefe rayonındaki limanğa ücümi neticesinde Demiryol vokzalı bozuldı. Şu cümleden, patmala dalğasınen pencereler çıqarıldı, qaba sılav töküldi. 

Kefeden Canköyge trenler vaqtınca “Ayvazovskaya” stantsiyasından ketecek. 

Liman yanındaki binalarnıñ pencereleri ve cam qapuları patlamadan çıqarıldı. Kommunalcılar soqaqlardan cam parçalarını alıp cıyıştıralar.

Kefe limanına eñ yaqın binalardan 350den ziyade insan tahliye etildi. Olar, yerli mekteplerde abadanlaştırılğan eki vaqtınca yerleşme notasında yerleştirildi, dep Suspilne Qırım haber berdi.