Avropa insan aqları makemesinde “rusiyege qarşı Ukraina” davası baqıldı

13 Dekabr 2023

İlk qış ayınıñ 13-ünde Avropa insan aqları makemesi (AİAM), Qırımnıñ işğalinen bağlı “Rusiyege qarşı Ukraina” davasına dair oturış keçirdi. Anda Ukraina delil etti ki, işğal etilgen topraqta tamam rusiye federatsiyası insan aqlarını boza.

Qırım Muhtar Cumhuriyeti ve Aqyar şeeriniñ işğalinden berli rusiye tarafından sistemalı memuriy insan aqları bozmalarınıñ mevcut olması aqqında laf ettiler.

Ükümet portalı bu aqqında haber berdi. 

“Öz quvetleri tarafından yapılğan insan aqları bozmaları, devlet devriminden berli yerli yardımcıları tarafından yapılğan başqa bozmalar içün rusiye, bu Makeme ögünde cevapkârdır. Devlet devriminden soñ bir qaç afta devamındqa yapılğan tek beden zorbacılığı içün degil, Qırımdaki qoqala rejiminiñ birazdan yapqanı siyasiy repressiyalar kampaniyası içün de cevapkârdır”, – dep oturış vaqtında Ukraina Adliye naziriniñ muavini İrına Mudra qayd etti.

Soñ 9 sene devamında Ukraina tarafından berilgen arizalar ve delillerni esapqa alıp, sözlü baqıluv vaqtında bugünki hitaplarğa diqqat celp etip, Ukraina Ükümeti AİAMden rusiyeni insan aqları bozmaları içün cevapkâr olaraq tanımağa rica ete. Bu insan aqları, bu devletlerarası davada baqılğan Şartnamede qayd etilgendir”.