Çubarov Qırımdaki balalarnıñ silâlaştırılmasını añlattı

22 Noyabr 2023

rusiye tarafından vaqtınca işğal etilgen Qırım topraqlarında balalarnı silâlaştırmağan bir mektep yoq. Qırımtatar Milliy Meclisiniñ başı Refat Çubarov FREEДОМ telekanalınıñ canlı yayınında bunı añlattı.

Şu cümleden, onıñ sözlerine köre, rus askerleri içün balalarnı gizleyici ağnı örmege, cebege mektüplerni yazmağa, RF ordusı içün aşayt mahsulatı ve başqa eşyalarnı toplamağa mecbur eteler.

“Biz ana-babalarnıñ diqqatını buña bazıda celp etemiz, çünki eger işğal etilgen Qırımdaki mekteplerde toplanıp birleşe bilmeseler, ana-babalarnıñ qarşılıq köstere bilecekleri bir qaç usul bar. Keçken afta biz, Aqmescit rayonındaki ukrain orta mektebinde böyle degen göñüllilerniñ çoqlaşması ve cenk tedbirleriniñ teşkil etilemsine diqqat celp ettik. Aynı zamanda bu tür tedbirlerge balalarnıñ qatılmalarınıñ videolarını çıqaralar ve rus kanallarında yayınlaylar”, — dep Çubarov qayd etti.

O bunı qayd etti: bala añına tesir eteler, 18 yaşına yetmegen balalarğa ana-babaları vastasınen tesir eteler.

“Aynı zamanda oğlanlar 18 yaşına yetecek soñ yapacaqları cinayetlerni ögreteler.Ve bunıñ içün ana-babalarınıñ balalarğa böyle tesirge qarşılıq köstermeleri içün balalarnı bu cinayetlerge qatılğan insanlar cedvelini  yaratmağa tırışamız. Belki bu, olarğa nasıldır tesir eter”, — dep Meclisniñ başı qoştı.