Gurzufta rus quvetçileri evni tintkende granata köterip-köterip attılar

22 Noyabr 2023

Gurzufta rus Aşırıcılıqqa qarşılıq merkeziniñ (AQM) işçileri, qarar almadan ev tinttiler, granata köterip-köterip attılar, qabaatını tanımağa mecbur ettiler, şübelengen adamnı advokattan red etmege talap ettiler.

Advokat Oleksiy Ladin bunı Yuriy Bestrıtskıydan ögrendi ve rus uquq qorçalayıcı organlarına cinayet beyanatını yolladı, dep Qırım.Aqiqat haber berdi.

Onıñ bilgilerine köre berim ayınıñ 26-sında AQMniñ işçileri, Bestıtskıynıñ yaşağanı evge kirip onı tinttiler. Birazdan belli oldı ki, başqa adreske berilgen qararğa mücibi quvetçiler “Binalar, bünye, etraftaki yerler ve naqliyatnı teşkerüv” operativ ve taqiqat tedbirini keçirdiler.

Tintüv vaqtında rus quvetçileri, qırım sakininiñ eline granata qoyıp, evine attılar. Bundan soñ oña qarşı küç qullanaraq ve apayını qorqutaraq quvetçiler Bestıtskıynı qabaatını tanıp ariza yazmağa mecbur ettiler.

Bundan soñ SİZOğa oña kettiler ve sözlerini red etmemesini ve advokat Ladinden red etmesini talap ettiler. Bunıñ içün imayeci, Yuriy Bestıtskıyğa qarşı cinayet yapqan insanlarğa qarşı cinaiy dava açmağa ve olarnı teşkermege talap eterek, uquq qorçalayıcı organlarğa hitap etti.