İşğal etilgen Qırımda ruslarnın eki dessant gemisi bozuldı

10 Noyabr 2023

Boş aynıñ 10-uncınıñ gecesi işğal etilgen Qırımda İBİniñ operatsiyası vaqtında tek eki tez dessant gemisi degil, rus ordusınıñ zırhlı tehnika da bozuldı, askerler de yaralandı.

Ukraina MNniñ İstihbarat baş idaresiniñ vekili Andriy Yusov Suspilne Qırımğa bunı añlattı.

“Ebet, bugün kerçekten de pamuq edi. Ve eki dessant gemisiniñ bozulmasını tasdıqlaymız. Bu tür bozmalarını tamir etmek içün çoq vaqıt kerek. Bazı bozmalar tamir etilemez”, – dep asker añlattı.

Onıñ sözlerine köre, tek eki tez dessant gemisi degil, rus ordusınıñ zırhlı tehnika da bozuldı, askerler de yaralandı.

“Bu, müim bir operatsiyadır, çünki bu tür gemilerde ava mudafaası ya da raketa mudafaası sistemaları yerleştirildi. Ve elbette, Ukraina içün bu yahşı haberdir, çünki duşmannıñ bu tür vastalarınıñ sayısı azlaştı”, – dep Andriy Yusov qayd etti.

Ukrain istihbaratınıñ vekili qoştı ki, patlatılğan eki gemideki öldürilgen işğalcilerniñ sayısı alâ daa belli olmay.

Bundan ğayrı, Yusov qayf etti ki, er küb İBİ, rus gemilerini ücüm etmeden evel kibi Qırımdaki operatsiyalarını anons etmeycek. Amma Ukraina mudafaa quvetleriniñ planlaştırılğan işi bütün vaqtınca işğal etilgen topraqlarda devam ete ve ukrain istihbaratınıñ işğal etilgen Qırımdaki operatsiyaları da devam eteler.