Aqyarda ava telükesi ilân etilgen soñ patlamalar duyuldı

23 Oktâbr 2023

_{Foto: pravda.com.ua} 

Orta küz ayınıñ 22-sinde Bazar künü vaqtınca işğal etilgen Aqyarda patlamalar duyuldı. O zaman şeerde ava telükesi ilân etildi.

Yerli Telegram kanalları, patlamalar aqqında malümat yayınladılar.

Bildirildi ki, Kazak Körfezi rayonında patlamalar duyuldı. Bundan soñ şaatlarnıñ sözlerine köre, anda “bir şey yanmağa başladı”.

Rus taraflı kanallar da Balıqlava rayonında patlamalar aqqında haber berdiler.

Birazdan propagandacılar bildirmege başladılar ki, şu patlamalar Ava mudafaası sistemasınıñ dronlar ve raketalarğa ateş açmasınen bağlıdır, Aqyar yanında “bir şey tüşürdiler”.Qayd etmek kerek ki, Aqyar şeeriniñ işğal “gubernatorı” Mıhaylo Razvojayev, patlamalarnı eşitmegenini bildirdi. Rus kanalları tarafından Ava mudafaası sistemasınıñ çalışması aqqında yayınlanğan haberlerni “yalan” olaraq tanıdı, dep “Slovo ve dilo” haber berdi.