İşğalciler, Nariman Celâlovnı ve Ahtemov ağalarını RF topraqlarına qanunsız olaraq etap etildi

02 Oktâbr 2023

Rus işğalcileri tarafından qanunsız olaraq epis etilgen Qırımtatar Milliy Meclisiniñ başınıñ birinci muavini Nariman Celâl, Aziz ve Asan Ahtemov Qırımdan mecburen çıqarılıp, RF topraqlarına etap etildi. Ekim ayınıñ 2-sinde Facebookta  Nariman Celâlnıñ apayı Leviza bu aqqında haner berdi.

“Eki senedir biz birlikte omuz-omuzğa küreşe, destek ete, yardım ete edik, bizim yaqınlarımız ve sevgenimiz insalarnıñ epislikte qanunsız bulunamlarını qolaylaştırmaq içün mümkün olğan er şey yapa edik. Bugün Nariman, Asan ve Aziz Qırımdan mecburen çıqarılıp, apishanelerge etap etildi. Nariman içün Qırımdan çıqmaq kere qadar zor olğanın tasavvur etemem, çünki onıñ Vatan sevgisi bitemez. Qorqutmalarğa baqmadan o, qalğan ve Qırımda serbest ve namuslı şekilde yaşama aqqı içün küreşken insanlar arasındadır”,  – dep Leviza Celâlova bildirdi.

O qayd etti ki, bir qaç soñ kün devamında Qırım SİZOnıñ işçileri onen ne mektüpler, ne telefon vastasınen laf etmege berdiler.