Kıyiv vilâyetinde qırımtatar askeri İlgar Egamberdiyev defin etildi

25 Sentâbr 2023

^{_{Fotosuret: İdraq Camalbeyli}}

Keçken Bazar künü Kıyiv vilâyetinde qırımtatar, Ukraina Silâlı Quvetleriniñ 47. ayrı tehnikalı taqımınıñ askleri olğan İlgar Egamberdiyevnen sağlıqlaşuv keçirildi. O, 2023 senesi bozarğan aynıñ 8-inde Zaporijjâ vilâyetiniñ Mala Toqmaçqa meskün yeri yanında bulunğanda Ukrainanı qorçalayaraq, arbiy vazifesini yapqanda öldi.

İlgar Egamberdiyev 1977 senesi mayıs ayınıñ 2-sinde Özbekistannıñ Taşkenk vilâyetindeki Bekabad şeerinde sürgün etilgen qırımtatar ailesinde doğdı, 1991 senesinden berli ise Qırımdaki Canköy rayonındaki Sultan Boçala köyünde yaşağan edi.

2013 senesi boş aynıñ soñundan berli Kıyiv şeerinde ve vilâyetinde yaşağan edi, ilk künlerinden İtibar inqilâbında iştirak etti. Rus ordusı, Qırımnı işğal etken ve Ukrainanıñ Şarqında arbiy areketler başlağan soñ göñülliler ve ATO iştirakçilerine yardım etken edi.

2022 senesi kiçik aynda Rusiyeniñ Ukrainağa qarşı tolu miqyaslı tecavuzınıñ başlanğıcında Egamberdiyev, Kıyiv vilâyetiniñ Buça şeerinde yaşağan edi. Saban ayında Kıyiv şeeriniñ topraq cemiyetiniñ göñülli şekillenmelerinden birine qatıldı, anda 47. taqımnıñ tehnikalı batalyonınıñ tehnikalı rotasınıñ baş serjantı oldı.

“Kıyiv şeeri ve vilâyetini mudafaa etüv içün” medal ve “Cesaret içün” Demir haçnen mukâfatlandırıldı.