Dinşınas ve sabıq siyasiy mabüs İhor Kozlovskıy vefat etti

07 Sentâbr 2023

^{Fotosuret: theukrainians.org}

Dinşınas ve sabıq siyasiy mabüs İhor Kozlovskıy vefat etti. İçtimaiy ağlarda dostları ve yaqınları bu aqqında haber berdiler, dep Qırım.Aqiqat bildirdi.

Şu cümleden, Kozlovskıynıñ oğlu Oleksandr şunı yazdı: “Menim içün alem ediñ. Soñsızğa qadar sevem. Allah rahmet eylesin”.

İçtimaiy cemaatnıñ meselelerini araştıruv merkeziniñ müdiri Vitaliy Kulık yazdı ki, Kozlovskıy qalp krizi sebebinden öldi.

Donetsk vilâyetindeki Makiyivkada İhor Kozlovskıy  doğdı. Onıñ tarihiy ilimler namzeti derecesi bar edi ve dinşınaslıq saasında bir qaç ilmiy iş yazdı.

2016 senesi qara qış ayında “DNR” grupasınıñ askerleri Kozlovskıynı, ukrain taraflı olğanı içün, tuttılar. Deyerli eki sene esirlikte buluna edi.

2017 senesi ilk qış ayında deñiştirüv çerçivesinde Kozlovskıy azat etildi. O, içtimaiy faaliyet ete, şu cümleden rusiyeniñ tutqanı siyasiy mabüslerni azat etüvniñ advokatlığını yapa edi.