Siyasiy mabüs Bekirov rusiyeniñ Saratov vilâyetindeki apishanege yollandı

04 Sentâbr 2023

14 senege maküm etilgen qırımtatar faalcisi Akim Bekirovnı SİZOdan RFdaki Saratov vilâyetiniñ apishanesine yollandılar.

Ukrinformnıñ bildirgenine köre, keçenlerde aqayından mektüp alğan apayı Sabrie Bekirovağa atıf eterek “Qırım birdemligi” bu aqqında haber bergen.

“14 senege maküm etilgen qırımtatar faalcisi Akim Bekirovnı Novoçerkasktaki rus SİZOdan Saratov vilâyetiniñ Balaşova şeerindeki apishanege etap ettiler. Şimdi o, Satarovdaki 1. SİZOnıñ mahsus bölüginde buluna ve apishanege etap olunmasını bekley”, – dep bildirildi.

Qayd etildi ki, arman ayınıñ 26-sında Novoçerkasktaki SİZOdan qırımtatarnı alıp çıqardılar. Ertesi künü Akim Bekirov ve daa eki qırımtatar adamını – Rustem Seithalilov ve Asan Yanikovnı – Volhohraddaki tranzit noqtasına ketirdiler. Şu yerden o, aqrabalarına mektüp yazdı.

Akim Bekirov – “Qırım birdemligi” faalcisi, IT-telükesizlik meseleleri al ete, SİZOğa eşyalarnı yollamağa yardımcı ola, makeme oturışlarını ziyaret ete edi.

2019 senesi saban ayınıñ 27-sinde Qırımdaki Aqmescit rayonınıñ Kamyanka, Strohanivka ve Bile qasabalarında eñ kütleviy tintüvler keçirildi. O zaman eñ az yigirmi qırımtatar tutuldı, arasında Akim Bekirov de edi.

2022 senesi saban ayınıñ 18-inde Cenübiy bölge arbiy makemesi, Akim Bekirovnı şiddetli rejimli müstemlekede 14 senege maküm etti. 2023 senesi oraq ayınıñ 7-sinde Moskvadaki Apellâtsiya arbiy makemesi, qararnıñ aqqını tanıdı.

Qırım ve Rostov vilâyetindeki taqiqat izolâtorlarında o, dört sene keçirdi.