Soçi şeerinde Erdoğannıñ Putinnen körüşüvi

04 Sentâbr 2023

Soçi şeerinde Türkiye prezidenti Recep Tayyip Erdoğannıñ diktator putinnen körüşüvinde beklenilir ki, Türkiyeniñ Kıyiv ve Moskva arasındaki aytışmalarğa ve eki cenkleşken ülkeler arasında esir etilgen askerlerni deñiştirüv ceryanında qatılmasınen bağlı teşebbüsi muzakere etilecek.

Türkiyeniñ rus-ukrain cenkinde nazar noqtası umumen bellidir, Türkiye rusiyeniñ Qırımnı ve başqa Ukrainanıñ topraqlarını işğal etüv ıntılmalarını asla tanımadı ve tanımaycaqtır. Ankara, Ukrainanıñ topraq bütünligini destek ete ve bunıñ içün prezident Erdoğannıñ Soçi şeerinde diktator putinnen laf etecegi ifadeler, bu nazar noqtasına zıt olmaycaqtır.

Türkiye topraqlarında Kıyiv ve moskva arasındaki aytışmalarnı yañıdan keçirilüv teşebbüsine dair. Eger bu aytışmalarnıñ mevzusı cenk bitirüv ve rus ordusınıñ Ukrainanıñ işğal etilgen topraqlarından tamamınen çıqarılması aqqında olsa, añlaşılır ki, bu tür teşebbüsni destek etmek lâzim.

Faqat belli ki, Ukraina devletin yoq etmege ve ukrain milletini esaret altına almağa red etmegen diktator putin bu tür aytışmalarğa ketmege razı olmaycaqtır. Bunıñ içün Türkiye prezidenti Recep Tayyip Erdoğannıñ aytışmalar aqqında teklifiniñ neticesi olmaycaqtır.

Körüşüvde Ukraina ve tecavuzcı bir devlet arasında esir etilgen askerlerniñ mümküm olacaq deñişmesini muzakereler aqqında laf olsa. Elbette, biz pek mümüt etemiz ki, bu vazifede Türkiye prezidenti, putinden siyasiy mabüsler-Qırım sakinlerini azat etmesini de talap etecek. Olarnın sayısı tahminen 200 insandır, aynı zamanda üçte ekisi – qırımtatarlardır.

Sahte davalarğa mücibi vatandaşlarımız, qanunsız olaraq tevqif etildiler ve 13,17, 19 senege qanunsız olaraq maküm etildiler. Şu anda Qırımda rus işğaliniñ tanınması ve öz itibarını qorçalav fiyatı böyledir.

Şu anda putinniñ şu cümleden Recep Erdoğan, böyle küçlü halqara liderlerge bağlı olmasını bilip, men eminim ki, onıñ israrı vastasınen kreml, putinniñ ellerinde esir etilgen qırım siyasiy mabüslerini azat etmege mecbur qala bilir.

Faqat, yaqon kelecekte bunıñ nasıl olacağını ögrenecekmiz.

Refat Çubarov, Qırımtatar Milliy Meclisiniñ başı