Makeme binası ögende işğalciler qırımtatarlarğa mobilizatsiya şeadetnamelerini bereler

31 Avgust 2023

İşğal arbiy komissarlıqlarınıñ vekilleri, arman ayınıñ 25-inde Aqmescitteki makeme binası ögünde tutulğan qırımtatarlarğa mobilizatsiya şeadetnamelerini berdi. Faalciler, böyle degen makeme binasına Bağçasarayda tutulğan altı qırımtararnıñ dava oturışına keldiler.

FREEДOM telekanalınıñ canlı yayınında Qırımtatar Milliy Meclisiniñ başı Refat Çubarov bunı bildirdi.

“Rus quvetçileri insanlarğa memuriy ükümlerni çıqarmaq içün vesiqalarnı imzalağanda makeme oturışı vaqtında politsiya bölügine işğal arbiy komissarlıqlarınıñ vekilleri keldiler. Tutulğan insanlarğa mobilizatsiya şeadetnamelerini bermek içün”, – dep ayttı o.

Onıñ sözlerine köre, adamlar mobilizatsiya şeadetnamelerini almağa red etkende olarğa qarşı yañı protokollar tizdiler.