Ukrain istihbaratı Qırımğa kirdi

24 Avgust 2023

Cumaaqşamı künü, arman ayınıñ 24-ünde, Arbiy-Deñiz quvetleri yardımınen işğal etilgen Qırımda Ukraina Mudafaa nazirliginiñ İstihbarat baş idaresiniñ mahsus operatsiyası keçirildi.

Yaldama vastalarınen mahsus bölükler, Olenivka ve Mayak meskün yerleri rayonında yalısına kirdiler.

İstihbarat baş idaresiniñ bilgilerine köre, vazife yapqanda ukrain mudafaacıları, işğalcilerniñ bölüklerinen cenkleşmege başladılar. Neticesinde duşmannıñ ğayıpları bar, duşman tehnikası yoq etildi. Bundan ğayrı, ukrain Qırımında devlet bayrağı yañıdan dalğalanmağa başladı.

İstihbarat idaresi bildirdi ki, ukrain Mudafaa quevtleri “işğalcilerge silâ yedegi, tehnikası ve askerlerini yoq etmege yardım etmege devam etecekler”.

Yerli sakinlerniñ kütleviy hitaplarına baqmadan Qırım işğal memuriyeti vaqianı tefsir etmedi. Tek bildirüvi, “planlaştırılğan vaqıt silâ yedegini yoq etüv”nen bağlıdır.