Qırımtatar faalcileri Mıkolayivniñ sakinlerini pilâv berdiler

22 Avgust 2023

Bu raatlıq künleri Mıkolayivniñ merkezinde “Hoduyemo krayinu” (“Ülkege aş beremiz”) hayriye teşebbüsiniñ tedbiri keçirildi.

Qırımtatar Milliy Meclisi ve Mıkolayivniñ şeer akimiyetiniñ yarımınen Qırım musulmanları diniy idaresi ve “Qırım Milliy Varlıq Fondu”, tedbirniñ teşkilcileri oldılar.

“Türkiyeden sponsorlarımız bizge büyük 20 tonnalıq yük maşnasını berdiler, içinde aşhane ve aş pişirmek içün kerekli er şeynen dolandırıldı. Biz, rus tecavuzından eñ çoq zarar körgen Ukrainanıñ şeerlerine ketemiz, imkânlarımızğa köre insanlarğa yardımcı olamız, öz sıcağımız ve sevgimizni beremiz. Biz, dayanaqlıq ve cesaret köstergen ve Odesanı bile qorçalağan  Mıkolayivlilerni destek etmege isteymiz”, – dep “Hoduyemo krayinu” leyhasınıñ reberi ve Qırım musulmanları diniy idaresiniñ vekili Teyfuk Ruci añlattı.

Nevbet, onca metrge uzandı. Sebzeler salatasınen aqiqiy qırımtatar pilâvınıñ 1300 portsiyası, istegen er kesken berildi.

Mıkolayiv qaraman-şeerinden soñ teşkilciler, cenege yaqın Hersonğa ketecekler.