Bu, mudafa quvetleriniñ planlarındadır – Humenük, işğal etilgen Qırımdaki patlamalarnı tefsir etti

10 Avgust 2023

Saba maalinde vaqtınca işğal etilgen Qırımnıñ topraqlarındaki Saq ve Novofedorivka meskün yerlerinde yerli sakinleri, küçlü patlamalar aqqında haber berdiler. İşğal memuriyeti, “Ava mudafaa sistemasınıñ çalıması” aqqqında tezce haber berdi.

Faqat “Radio Svoboda”nıñ canlı yayınında Ukrainanıñ cenübiniñ mudafaa quvetleriniñ matbuat birleşken merkeziniñ başı Nataliya Humenük, ukrain askerleriniñ bu patlamalarğa ait ola bilmesini ima etti.

“Biz, pamuq patlaması mevsimini anons ettik – biz sözlerimizni tutamızç Bu, mudafaa quvetleriniñ planlarındadır ve bu, cenkni keçirüv mantığı ve taktikasınıñ qısmıdır. Ve çoq muzakere etilgen qarşı ücümniñ faal etken qısmıdır”, – dep Humenük ayttı.

Spikerci unutmamağa rica etti ki, qarşı ücümniñ eñ müim parçalarından biri duşmannıñ potentsialı, resursları, yedekleri ve arbiy areketler şartlarında yañıdan quvet alma imkânlarını yoq etmektir.

O, Rusiyeniñ işğal etkeni yarımadanı ücüm etken uçucısız aletlerniñ ait olması aqqında tafsilâtlıca söz aytmadı. Qayd etti ki, tek ğalebe qazanacaq soñ Ukrainanıñ mudafaa quvetleriniñ bazı operatsiyalarına ait olması belli olacaq, çünki arbiy areketler şartlarında “daa çoq iş bar”.

Bundan ğayrı Humenük añlattı ki, hibrid cenki şartlarında RF, onıñ içün faydalı ceetten haberlerni yayınlayaraq ve Qırımğa ücümlerni muayyen obyektlernen “bağlayaraq”, cemaatqa sahte malümat bermege ıntıla.