İçtimaiy jurnalist Kulamet İbraimovanıñ ailesiniñ evi tintildi

03 Avgust 2023

^{Foto: Qırım birdemligi}

Büyük-Onlar qasabasında içtimaiy jurnalist Kulamet İbraimovnıñ ailesiniñ evi tintildi. Qırım.Aqiqat bu aqqında yazdı.

Oraq ayınıñ 1-inde İbraimovnıñ beş künlik memuriy tevqifni keçirgeni mahsus yerden çıqtı. Jurnalist, anasınıñ evinde qayd etilgen, amma evlengen soñ ayrı yerde yaşay.

Jurnalist qayd etti ki, saba maalinde ana-babasınıñ evine 10 insan apansızdan keldi. Epsileri maska ve silânen, işaretsiz ediler. Tintüv qararını oqudılar, amma ailesine iç bir vesiqa bermediler.

Operativciler, jurnalistniñ ağalarınıñ ve anası Nefze İbarimovanıñ cep telefonlarını alıp çıqardılar. Tintüv ceryanı tahminen bir saat sürdi.

Oraq ayınıñ 27-sinde rusiyeniñ kontrol etkeni Qırım Yuqarı makemesiniñ binası yanında siyasetçi Nariman Celâl ve Ahtemov ağalarınıñ dava oturışına kelgen qırımtatarlarnıñ kütleviy tutulmaları oldı. Olar aralarında jurnalist Kulamet İbraimov ve Lütfiye Zudiyevadır. İbarimov, memuriy tevqifni keçkeni tek insandır. Makeme, başqalarına ise 12 ve 15 biñ rublelik para cezasını yazdı.