Qırımnı azat etmek içün ukrain mahsus operatsiyalar quvetleri azırlanmağa başladılar

31 Iyül 2023

Qırımnı işğalcilerden azat etmek içün Büyük Britaniyada ukrain Mahsus operatsiyalar quvetleriniñ eñ az 2 biñ askeri azırlanmağa başladılar. İİlk qış ayınıñ 25-ine qadar operatsiyanı keçirmege planlaştıralar.

Daily Expresske atıf eterek Arbiy kuryer bu aqqında haber berdi.

Dartmur uzaq topraqlarınıñ Okehemptondaki lagerinde 42 Commandodan Qıral deñiz piyade askerleriniñ nezareti astında azırlamalar keçirile. Vaqtınca işğal etilgen yarımadanı azat etmek içün oqumağa bitirgenlerden arbiy taqımlar şekillendirilecek.

Bundan ğayrı bildirildi ki, Qırımdaki operatsiya ava, topraq ve deñizden ücümlerden ibaret olacaq . Büyük Britaniya, AQŞ ve Almaniyadan ketirilecek uzaqlıq raketalarınıñ qullanılmasınen operatsiya vastasınen arbiy tehnikanen bölükler mudafaanı bozacaqlar.

Hatırlatamız kiz, Büyük Britaniya, arbiy areketler vaqtında Ukraina Silâlı Quvetleriniñ zapt etkeni ruslarnıñ tehnikasını araştıra.

Büyük Britaniya silâlı quvetleriniñ baş idarecisi admiral Toni Radakin bunı Sky Newske bildirdi.

Onıñ sözlerine köre, britaniya analitikacıları, rus arbiy tehnikasınıñ tehnikiy hususiyetleri ve başqa şeylerini ögrenmege isteyler.