İşğalciler Qırım köprüniñ tamir müddetini uzâttılar

26 Iyül 2023

rusiye ükümeti, Keriç köprüniñ tamir müddetini 2023 senesiniñ soñuna uzattılar.

Oraq ayınıñ 17-sinde Keriç köpründe patlamadan soñ işğalciler bildirdiler ki, boş ayğa qadar inşaatnı tamamınen tamir etmege bitirmege planlaştıralar. Faqat şimdi de tamir müddeti ne içündir 2023 senesi ilk qış ayınıñ 31-ine qadar uzatıldı. Bu, rf Nazirler Kabinetiniñ qararında qayd etildi, dep Ukrainian Shipping Magazine haber berdi.

Meraqlı ki, tamir müddetini uzatqanda ruslar, keçken sene ekim ayınıñ 13-ında tasdıqlanğan vesiqada da tarihnı deñiştirdiler. O zaman USQniñ ücüminden soñ işğalciler, 2023 senesi oraq ayınıñ 1-ine qadar tamir etmege söz berdiler, faqat bes-belli ki, tamir ceryanı uzatıla.