Qırımda patlamalar eşitildi

26 Iyül 2023

Vaqtınca işğal etilgen Qırımdaki vaziyet daa kergin ola. Yarımadada patlamalar eşitilgen soñ avada uçaqlar köründi.

Tahminen saat 10:20de içtimaiy ağlarda haber peyda oldı ki, Or Qapı rayonında avada uçaqlar köründi. Yerli sakinler haber berdiler ki, avada bir qaç helikopter ve uçaq kördiler ve patlamalar eşittiler.

Bundan soñ içtimaiy ağlarda Aqmescitte de patlamalar aqqında haberler tarqatıldı.

Balaklavada raketanıñ uçurılmasına beñzegen davuş eşitildi. Bundan soñ yerli sakinler, Kozaça rayonında sanki ava mudafaa sistemasınıñ çalışqanını bildirmege başladılar.