Qırımda silânen yedekler patlamağa devam eteler

19 Iyül 2023

İşğal akimiyeti vaziyetni “dinamik” adlandırdı ve tüşüne ki, saba maalinde bombalanğan yedeklerdeki rus silâsı daa bir qaç kün devamında patlaycaq.

Vaqtınca işğal eilgen Qırımda Krınıçkı köyü yanındaki poligonda patlamalar eşitmek mümkün. İşğal akimiyetiniñ vekili Volodımır Konstantınov, rus KHVa bu aqqında haber berdi, dep Fokus yazdı.

Onıñ sözlerine köre, Eski Qırım poligonında rus silâsı patlamağa devam ete. Bir qaç kün devamında vaziyetni tüzleştirmege niyetleneler.

“Şu anda patlamalar eşitmek mümkün. Vaziyet alâ daa dinamiktir”, – dep işğal akimiyetiniñ vekili qayd etti.

Oraq ayınıñ 19-ında vaqtınca işğal etilgen Qırımda Krınıçkı köyü yanında rus ordusınıñ silâsı yedegi yana. Yerli sakinleri, zapt etilgen yarımadadan foto resimlerini paylaştılar. Anda ateşten soñ qızartını körmek mümkün.

Bundan soñ bildirildi ki, rus ordusı eski Qırım poligonından “Tavrida” tarafına bütün yollar ve çıqışlarnı qapattılar. Qomşu olğan dört mesken yerden eñ az eki biñ insan tahliye etildi. İçtimaiy ağlarda bildirildi ki, laf Krınıçkı, Şeyh Mamay, Oñğut ve Üsküt köyleri aqqındadır.