Ukrain sportçıları Qırımnıñ sakini Kırılo Barannıknı azat etmege çağıralar

18 Iyül 2023

İçtimaiy ağlarda ukrain sportçıları Qırımda rus quvetçileri tarafından tutulğan sport oriyentirciligi ustası Kırılo Barannık üstünde işkencelerni toqtatıp, azat etmege çağırdılar. RFnıñ TFH Bağçasaray rayonında demiryolnıñ patlanmasınen onı qabaatladı. Qırım.Aqiqat bu aqqında yazdı.

Şu cümleden, Ukraina sport oriyentirciligi milliy taqımınıñ azaları, #FreeKyryloBarannyk çağıruvınen beyanatnen paylaştılar: Feya Tsıvilska, Olena Babıç ve Mıkıta Zvâhin. Bundan ğayrı, Facebooktaki sport oriyentirciligi mahsus gruppasında ukrain sportçısı Oleh Rojko, Barannık üstünde işkencelerni toqtatıp, azat etmek çağıruvını yayınladı.

Mayıs ayınıñ 30-ında Aqmescitteki Salğırnıñ yalı kenarında Barannık tutuldı. Onıñ başına çavul taqıldı ve TFHniñ idaresine ketirildi. Barannık sorpu soratıldı ve işkenceler çekti, bundan soñ kiçik aynıñ 23-ünde Bağçasaray rayonınıñ Poştove köyü yanında demiryolnıñ patlanmasınen bağlı qabaatını tanıdı.