Qırım köprüne ücüm: ruslar kütleviy olaraq qaçalar

17 Iyül 2023

Keriçke eñ yaqın şeerlerarası reyslerge biletler tamamınen satıldı.

Aqmescit merkeziy avtovokzalınıñ memuriyeti Yalta-Brânsk, Aqmescit-Moskva ve Qırım köpründen keçken başqa reyslerniñ yolcularına biletlerini kassağa qaytarıp, para almağa çağırdı. Qırım.Aqiqatnıñ mühbiri bu aqqında haber berdi.

Aynı zamanda kassada bildirdiler ki, Keriçke eñ yaqın şeerlerarası reyslerge tamamınen bütün biletler satıldı. Yerli taksiciler öz hızmetlerini faalca teklif eteler.

Avtobus kassalarında çalışqan insanlar, yolcularnıñ kelecekte Keriç boğazını nasıl keçireceklerini bilmeyler. Aynı zamanda Qırım.Aqiqatnıñ mühbiriniñ bildirgenine köre, Qırım köpründen viranelik sebebinden Aqmescit avtovokzalında ajiotaj yoq.

Oraq ayınıñ 17-sinde saba maalinde Qırımnıñ rus başı Serhiy Aksönov bildirdi ki, Keriç (Qırım) köpründe areket toqtatıldı. Onıñ sözlerine köre RFnıñ Krasnodar krayı tarafından 145. tireme rayonında fevqulâde vaqia olğan.

Belhorod vilâyetiniñ hubernatorı Vyaçeslav Hladkov, aileniñ ölümini bildirdi. Olarnen beraber maşnada 14 yaşındaki qızı bulunğan.

Ukraina Mudafaa nazirliginiñ İstihbarat baş idaresiniñ vekili Andriy Yusov, Qırım köpründeki viranelikni tefsir etmege red etti.