Siyasiy mabüs Server Mustafaevniñ qalp ağrısı sebebinden tibbiy yardımğa ihtiyacı bar

14 Iyül 2023

Uquq qorçalayıcı, siyasiy mabüs, “ekinci bağçasaray gruppası”nıñ iştirakçisi Server Mustafaevniñ qalbi ağıra. Siyasiy mabüsniñ apayı Maye Mustafeva bu aqqında haber berdi, dep Qırım.Aqiqat bildirdi.

“Siyasiy mabüs olarnıñ taqımında sıcaq ve tınçıq olmasına da şikâyet etken. Qalbi ağrımağa başlağan, nefes almaq ağır olğan. Şimdi qalp ekimine ketmek imkânsızdır, nevbeti daa kelmegen”, – dep bildirildi.

Bundan ğayrı, apayınıñ sözlerine köre Mustafayev, Novoçerkask ve Aqmescit SİZO-larına qarşı bir qaç memuriy dava açqan. İzolâtorlarda bulunğan vaqıt onıñ davası boyunca haberi bile olmağan bozuvlar peyda olğan. Tambovğa etap etilgen soñ ise bunıñ içün qırımtatar ŞİZO-ğa oturtılğan.

Bundan ğayrı, Qurannıñ qanunsız çıqarılması ve tibbiy yardım berilmesi mevzusında makemeleşmege devam ete.

Mustafaevniñ makeme oturışlarına azırlanmaq içün de boş vaqtı yoq. Er kün tikiş tsehinde çalışır, anda bala urbasını tiker.