BMT qanunsız olaraq epis etilgen İrına Danılovıçnı acelen azat etmege talap etti

12 Iyül 2023

Yaqın kelecekte işğal etilgen Qırımda rusiyedeki qadın müstemlekesine Danılovıçnı etap ete bilirler.

Birleşken Milletler Teşkilâtınıñ mahsus maruzacısı Meri Lolor rusiyeni içtimaiy jurnalist ve uquq qorçalayıcı olğan İrına Danılovıçnı acelen azat etmege çağırdı. Detektor media bu aqqında yazdı.

“Qırım uquq qorçalayıcısı İrına Danılovıçqa çıqarılğan sebepsiz ükümniñ müddeti tek bir ayğa qısqarttılar. Şimdi de 6 sene ve 11 aylıq epislik müddetini keçirmesi içün onı Rusiyege ketirmeliler. SİZOda onıñ sağlığı pek zayıf oldı. Onı azat etmek kerek”, – dep Meri Lolor qayd etti.

BMTnıñ mahsus maruzacısı, halqara cemaatınıñ diqqatını qanunsız olaraq epis etilgen Danılovıçnıñ davasına çoq kere celp etti.Keçenlerde o Twitterde yazdı ki, İrınanıñ sağlığı zayıf oldı ve bir sual berdi: “Menfaatsız ekim onı baqıp, onıñ alı yahşı olğanını tasdıqlaya bilir mi?”.

Keçenlerde ukrain uquq qorçalayıcı teşkilâtları rus akimiyetine Qırımda maküm etilgen içtimaiu jurnalist İrına Danılovıçnı azat etmesini talap ettiler ve Ukrainanı faalcini deñiştirüv cedveline kirsetmesi ve onıñ rusiyede etap etilmesine mania olmasına çağırdılar.

2023 senesi bozarğan aynıñ 29-ında rusiyeniñ kontrol etkeni böyle degen Qırım Yuqarı makemesi, patlayıcı aletni saqlağaı içün 2022 senesi ilk qış ayında yeedi senege maküm etilgen İrına Danılovıçnıñ üküminiñ müddetini deñiştirdi (bir ayğa qısqarttı).