Kıyiv şeer devlet memuriyeti astında qırımtatar bayrağı köterildi

26 Iyün 2023

^{Foto: Telegram/Vitaliy Klıçko}

Kıyiv şeer devlet memuriyetiniñ binası yanında qırımtatar bayrağı köterildi.

Telegramda Kıyiv şeeriniñ başı Vitaliy Klıçko bu aqqında haber berdi.

• Bugün Qırımtatar bayrağı kününde Qırımtatar Milliy Meclisiniñ başı Refat Çubarov ve Qırımnıñ tamır halqınıñ vekillerinen beraber paytahtaki meriya binası yanında qırımtatar milliy bayrağınıñ köterilmesinde iştirak ettim, – dep Klıçko yazdı.

O qayd etti ki, mavı zemindeki sarı tamğanen bağraq, qırımtatarlarnıñ aqlarına küreşi timsali, rus işğaline qarşı qırımtatarlarnıñ birligi ve ayırılamazlığı, keleceginiñ timsalidir.

• Ukrainanıñ azatlığı ve mustaqilligini saqlap, bizim devletimizni azat etip, Qırımnı mıtlaqa qaytaracaqmız. Ve ğayretlerimizni birleştirip, anda qırımtatar halqınıñ itibarlı yaşayışını yaratacaqmız, – dep paytahtnıñ meri ayttı.