SİZOda Nariman Celâl varikoz hastalığını çeke

21 Iyün 2023

Taqiqatçı izolâtorında siyasiy mabüs, Qırımtatar Milliy Meclisiniñ başınıñ ilk muavini Nariman Celâlnıñ ayaqları şişeler ve qara qan damarlaraınıñ varikoz şişmesini çeke. Apayı Leviza Celâl bunı bildirdi, dep Qırım.Aqiqat haber berdi.

– Onıñ alı, bu SİZO-daki başqa mabüsler kibi Narimannıñ 40 kündir künde 16 saat (saba saat 6-dan aqşam saat 10-ğa qadar) yataqqa oturma ya da yatma izni berilmeden ayaqta olmasınıñ bir neticesidir, – dep yazdı o.

Leviza Celâl qayd etti ki, Aqmescitteki 2. SİZOnıñ hadimleriniñ bu talabı, böyle şekilde RF Adliye nazirligi tarafından tasdıqlanğan taqiqat izolâtorlarındaki nizam qaidelerini boza. Anda kün devamında yapılğan yataqta oturmaq yasaqlanmaz.

Celâl añlattı ki, bu 2. SİZOda tutulğan insanlar, aşayt mahsulatını berüv meselesinen qarşılaştılar. Tükânda sirapiş etilgen aş vaqtında berilmez.