Refat Çubarov işğal etilgen Aqmescitte Meclisniñ binasını “milliyleştirüv”ni tefsir etti

24 Mayıs 2023

Qırımnıñ işğal parlamentiniñ mebusları, Ukraina Prezidentiniñ apayı Olena Zelenskanıñ dairesini ve Meclsiniñ binasını “milliyleştirmek” içün rey berdiler.

Meclisniñ başı Refat Çubarov bu tür “milliyleştirüv”ge qarşılıq kösterdi. Onıñ sözlerine köre, 2014 senesi berim ayında rus quvetçileri binanı zapt ettiler. O zamandan berli bina yavaş-yavaş bozula edi.

– Bugün Qırımda rus işğalcileri ve olarnıñ yardımcıları, “Qırım” Fondunıñ saip olğanı ve Qırımtatar Milliy Meclisiniñ ofisiniñ, “Qırım” Fondu” hayriye fondunıñ müdirliginiñ ve “Avdet” qırımtatar gazetasınıñ müarririyetiniñ muntazam tarzda bulunğanları Aqmescit şeerindeki Şmidta sq., 2 adresinde eki qatlı ayrı binanı “milliyleştirüv” aqqında qarar berdi.

Çubarovnıñ sözlerine köre, şu anda Avropa makemesinde binanıñ qanunsız teqif etilmesi aqqında “Qırım” Fondu” hayriye fondunıñ davası baqılacağını bekley.