Kıyivde “Tarihnı unutmayıq – topraqnı qaytarayıq” hatıra tedbiri keçirildi

18 Mayıs 2023

Mayıs ayınıñ 18-inde Kıyivde Qırımtatar halqınıñ genotsidiniñ qurbanlarını añma kününe bağışlanğan “Tarihnı unutmayıq – topraqnı qaytarayıq” hatıra tedbiri keçirildi. 

Teşkilâtçılar: Qırımtatar Milliy Meclisi, Ukraina Ombudsmannıñ Ofisi, QırımSOS içtimaiy teşkilâtı ve ZMINA insan aqları merkezi.

– Cezalanmağan yamanlıq er vaqıt daa şiddetli cinayetler olaraq qaytar. Prezident Volodımır Zelenskıynen körüşüvde subet ettik ki, elbette Ukrainanıñ ğalebesinen bitecek rus-ukrain cenki bitkende Ukrainanıñ bütün dünyanen mehanizmlerni tesbit etmesi müimdir. Bu tür mehanizmler, bugün ukrain milletine qarşı, Ukraina devletine qarşı yapılğan – 79 senedir ve bundan evel Qırımğa, qırımtatar halqına qarşı yapılğan – şu cinayetlerni yañıdan yapmağa imkâñ bermeycek. Qırımda bizim er bir sözümizni diqqatnen diñleyler, Qırım öz azatlığını bekley, USQe ve umumen devletimizge ümüt etemiz. Böylece, Qırımnıñ azat etilecegine azırlanayıq, kirsetecegimiz qaidelerni azırlanamız, – dep Qırımtatar Milliy Meclisiniñ başı Refat Çubarov qayd etti.

Topraq qaytaruvından ğayrı, Qırım Ukrainanıñ uquqiy boşluğına qaytmasını bekley. Anda tamır halqını ve qıymetlerini qorçalanacaqlar. Qırımtatar Milliy Meclisiniñ azası, Qırımtatar Maaliy Merkeziniñ idaresiniñ başı Eskender Bariiev bunı ayttı.

– Biz Qırımnı uquqiy, avropa devleti olğan Ukrainada körmege isteymiz. Anda biriciden sürgünlikniñ neticeleri yoq etilecekler, insan aqları qorçalaycaqlar, tamır halqlarınıñ kollektiv siyasiy aqları qorçalaycaqlar, – dep Eskender Bariiev añlattı.

Qırımda Ukraina ombudsmen vekilligi, rusiyeniñ işğal etilgen yarımadada yapqanı qanunsızlıqqa diqqat ayırdı: qanunsız ükümler, zorbalıq, işkenceler ve qırımtatar faalcileri, uquq qorçalayıcılar, cemaat erbaplarını qorqutuvlar. 

– 1944 senesi Kreml qırımtatarlarnı hainler olaraq, bugün ise – terrorcılar ve aşırıcılar olaraq tanıdı. O zaman ve şimdi qabaatlar tamamınen adaletsiz ve tek bir şeyge yönelgen – Qırımnıñ tamır halqını yoq etmektir. Endi çoq sene devamında mayıs ayınıñ 18-inden evel yarımadada rus işğal akimiyeti, repressiya rejimini şiddetlendirir. Qırımtatar faalcileri, sabıq siyasiy maübsleri ve uquq qorçalayıcılarına, “qanunlar bozulmaz” dep böyle degen ihtarlar yollaylar. Qırımdan qırımtatarlar ve ukrainalılarğa qanunsız ükümlerni çıqarmağa devam eteler, – dep Elvin Kadırov, Qırım MC ve Aqyar şeeriniñ saknileriniñ aqları vekiliniñ Temsilcisi qayd etti.

Bağlantığa basıp, tedbirniñ videosını seyir ete bilirsiñiz: https://www.facebook.com/qtmm.info/posts/pfbid0gGcxtuUXA2xNhgxPCGMU8AeMvYAWzdJF9v6tLP2hxPzxDPkJkpwArmwotG1yfJPCl