rf vekilleriniñ mandatlarınıñ tasdıqlanmasınıñ qabul etilemezligi aqqında Meclisniñ Prezidiumınıñ ilânı

Qara deñiz iqtisadiy işdeşliginiñ Parlament Assambleyasınıñ azaları olaraq RF vekilleriniñ mandatlarınıñ tasdıqlanmasınıñ qabul etilemezligi aqqında Qırımtatar Milliy Meclisiniñ Prezidiumınıñ* ilânı

2023 senesi mayıs ayınıñ 4-5 künleri Ankara şeerinde (Türkiye) QİİPAniñ 61. Baş Assambleyası keçirildi.

QİİPAniñ Baş Assambleyasınıñ kün mevzusına RFda parlament saylavlardan soñ şekillengen RFnıñ milliy delegatsiyasınıñ azalarınıñ mandatlarını tasdıqlavnen bağlı mesele kirsetildi.

QİİPAnıñ Halqar akâtibiyetine RFnıñ bergeni resmiy vesiqalarğa mücibi, RFnıñ milliy delegatsiyasınıñ böyle azalarınıñ mandqatları tasdıqlanmalı: BABAKOV Oleksandr, DIDENKO Oleksiy, ZATULİN Konstântın, BESONOV Yevheniy, ŞEREMET Mıhaylo, ŞILKİN Hrıhoriy, SEMİSOTOV Mıkola, NİKİTİNA Oleksandr, TREMBİTSKIY Oleksandr.

Qırımtatar Milliy Meclisi, QİİPAnıñ azaları olğan Arnavutluq Cumhuriyeti, Ermenistan Cumhuriyeti, Azerbaycan Cumhuriyeti, Bulğaristan Cumhuriyeti, Gürcistan, Yunanistan Cumhuriyeti, Moldova Cumhuriyeti, Şimaliy Makedoniya Cumhuriyeti, Romaniya, Sırbistan Cumhuriyeti kibi ülkelerniñ milliy delegatsiyalarınıñ diqqatını celp ete ki, RFnıñ milliy delegatsiyasınıñ terkibi halqara sanktsiyalar ve devletlerniñ sanktsiyaları astına bulunğan insanlardan ibarettir. Olar, halqar uquqnıñ normaları ve qaidelerine qarşı cinayetler yaptılar.

RFnıñ resmiy delegatsiyasına qatılğan ve mandatları QİİPAnıñ azaları olaraq tasdıqlanmağa teklif etken şahıslar bugün de halqara cinayetlerni yapmağa devam etecekler: halqara uquq qaidelerini bozmağa, suverenitetli mustaqil ve demokratik Ukraina devletine qarşı cenkni başlatmağa ve devam etmege yönelgen cinaiy qararlarnı azırlaylar, muzakere eteler ve bereler. Bu cinayetler neticesinde er kün tınç yaşağan sakinler, şu cümleden balalar, öleler.

2014 senesi kiçik ayndan berli RF Qırımnı işğal etkende RFnıñ resmiy delegatsiyasınıñ terkibine kirsetilgen bütün insanlar, Ukrainanıñ topraqlarında ve Ukraina vatandaşlarına qarşı cinayetlerni yapmağa şahsen ait olalar.

Böylece, RFnıñ “delegatsiyasınıñ azası” ŞEREMET Mıhaylo, “qırım özü mudafaası”nıñ komandanı edi. Bu, qanunsız bir şekillendirüv. Onıñ şahsiy terkibi, 2014 senesi kiçik – saban aylarında rus ordusı Qırımnı zapt etkende yarımadanıñ ealini qorqutmağa yönelgen silâlı aydutlardan ibarettir. Aynı zamanda ŞEREMET Mıhaylo qırımtatar faalcisi, 18 yaşına yetmegen 3 balanıñ babası, Ukraina qaramanı (ölümden soñ) Reşat AMETOVnı hırsızlav ve şiddetli öldürüv ceryanını idare etmege delil tarzında qabaatlana.

QİİPAnıñ azaları olğan ülkelerniñ parlamentleriniñ milliy delegatsiyalarınıñ ürmetli azaları! Devletniñ topraq bütünligi ve suverenitetini ürmet etüv, insan aqları ve halqara gumanitar uquqnıñ qaidelerini riayet etüv, halqara uquqnıñ qaidelerini bozmağa qabaatlı olğan er kesni mesüliyetke çeküv esasında barışıq ve telükesizlikni tutumaq ve yañıdan yaratmaq içün BMTnıñ BA, AŞAP, OSCE PA, Avropa Parlamenti, başqa müim halqar ateşkilâtlarnıñ ayırğanları diqqatqa urmalı.

Aşağıdaki şartlarda:

– RFnıñ Qırım Muhtar Cumhuriyet ve Aqyar şeerini işğal etüv;

– qırımtatarlarnı öz toprağından – Qırımdan – ayırmağa mebur etmek maqsadınen RF tarafından yapılğan tamır qırımtatar halqına maqsatlı ve şiddetli repressiyalar;

– yüzlerce Ukraina vatandaşı – çoquıs qırımtatar olğan Qırımnıñ sakini – azatlıqtan qanunsız marum etüv;

– 2022 senesi kiçik ayda RFnıñ başlatqanı Ukrainağa qarşı tolu miqyaslı cenk;

– Ukrainanıñ bütün topraqlarına kütleviy raketa ve bonba ateşleri, ve neticesinde biñlerce Ukraina vatandaşı, şu cümleden balalar, öldi;

– Ukrainanıñ topraqlarına qanunsız olaraq kelgen rus arbiy bölüklerinen çatışma sıñırında qorqunçlı cenkleşüv;

– gumanitar felâket, tek Avropa ülekelerinde Ukrainadan qaçaqlarnıñ sayısı eñ az 8 million, Ukrainanıñ toparqlarında devlet içinde alınğan kişilerniñ sayısı 5,3 million qayd etildi.

Qırımtatar Milliy Meclisiniñ Prezidiumı, Qara deñiz iqtisadiy işdeşliginiñ Parlament Assambleyasını Rusiye Federatsiyasınıñ milliy delegatsiyasınıñ azalarınıñ mandatlarını tasdıqlamamağa ve RFnıñ vekilleriniñ QİİPAnıñ 61. Baş Assambleyasında iştirak etmelerini yasaqlamağa çağıra.

Refat ÇUBAROV

Qırımtatar Milliy Meclisiniñ Başı

2023 senesi mayıs ayınıñ 3-ü

Kıyiv şeeri.

*İlânnıñ metni QİİPAnıñ tillerine tercime etildi ve oruış başlamadan evel Qırımtatar Milliy Meclisiniñ Başınıñ muavini, Ukraina halq mebusı Ahtem Çiygöz tarafından Assambleyanıñ azalarına berilecek.