Epis etilgen içtimaiy jurnalist İrına Danılovıç, oña söz berilgen tedaviylev alâ daa almadı

28 Aprel 2023

rus işğal akimiyeti, Qırımnıñ sakini olğan eki siyasiy mabüske kerekli tibbiy yardım bermey. Yuqarı Şuranıñ insan aqlrı vekili Dmıtro Lubinets bunı bildirdi, dep Svoboda radiosı haber berdi.

Şu cümleden laf, keçenlerde quru açlıq çekmege qarar bergen içtimaiy jurnalist İrına Danılovıç aqqındadır. Oña tedaviylev bermege söz bergenlerinden soñ açlıqnı bitirdi. Onıñ otit ve başqa hastalıqları bar. Olar da ölümniñ sebebi ola bilirler.

– Tedaviylev almadan qulaq yanğısı miyine kirip, onı öldüre bilir. Deyeli 20 kün soñ jurnalist quru açlıqnı bitirdi, çünki ekimler onı baqmağa razı oldılar. Faqat tek bir tibbiy baquv keçirip, tedaviylev bermediler, – dep ombudsman qayd etti.

O qoştı ki, başqa qırımtatar siyasiy mabüsi, içtimaiy jurnalist Amet Suleymanovnıñ sağlıq maseleleri bar.

– Adamnıñ ciddiy qalp hastalıqları bar ve acelen qalp ameliyatına ihtiyac duya. Buña baqmadan onı kiçik mağazada – SİZOnıñ karantik bölüginde – 11 adamnen beraber tutalar. Eki afta bu tür şartlarda bulunğan soñ o, öksürmege başladı ve nefesi yetişmey, – dep añlattı.

Suleymanov, yüksek basım ve köküs ağrısı sebebinden ilâç almalı. Aftada bir kere içmeli olğanı Bicillin-5 ilacına ihtiyacı bar. Faqat SİZOğa ketirgende Suleymanovdan ilâçlarını ve şpritslerini aldılar. Lubinets qayd etti ki, qanunsız olaraq tutulğan ukrain vatandaşlarına tibbiy yardım bermeme, azaplar olaraq tanımaq mümkün.