Qırımtatar Leniye Umerovağa yañıdan 15 künlik tevqif berdiler

28 Aprel 2023

rusiyedeki Vladıkavkaz şeerindeki soviet rayon makemesi, qırımtatar Leniye Umerovnı politsiyanıñ işçileriniñ emirlerini riayet etmegeni içün qabaatlı olaraq tanıdı ve 15 künge tevqif etti. “Qırım uquq qorçalayıcı gruppası” bu aqqında haber berdi.

Metnine QUGnıñ saip olğanı makemeniñ qararında bildirildi ki, çiçek ayınıñ 26-sında qız sanki “politsiyanıñ işçileriniñ emirlerine baqmadan mahsus maşnadan enmege red etti”. RFnıñ Memuriy qanunnamesiniñ 19.3. maddesiniñ 1. qısmına (“politsiyanıñ işçileriniñ emirlerine riayet etmeme” aqqında) mücibi Leniye Umerovağa qarşı yañıdan bir protokol yazıldı. Aynı kün federal makemeci Valieva L.G. onı baqtı.

Leniye ve advokatı ise makemecige añlattılar ki, iç bir riayetsizlik olmadı. Aynı zamanda, advokat israr ete ki, maznunnıñ şahısı iç bir kere resmen tesbit etmediler, amma onı bir qaç kere qanunsız olaraq memuriy mesüliyetke çekeler.