Mahsus blok ve tedaviylevniñ yoq oluvı – siyasiy mabüs Amet Suleymanovnıñ vaziyeti yaramazlaştı

26 Aprel 2023

Çiçek ayınıñ 6-sında rus quvetçileri tarafından tutulğan içtimaiy jurnalist Amet Suleymanovnı mahsus blokta tutalar – ihtiyac duyğanı ilâçlarını aldılar. Qırım.Aqiqat bu aqqında haber berdi.

Qalp hastalığı sebebinden qırımtatarnıñ aftada bir kere içmeli olğanı Bicillin-5 ilacına ihtiyacı bar. Faqat SİZOğa ketirgende Suleymanovdan ilâçlarını ve şpritslerini aldılar, dep bildirildi.

Suleymanovğa ilâçlarnıñ qısmını yanında tutmağa izin berdiler – olarnı er kün içer.

– Eki afta bu tütünnen avalı mağazda keçirgeninden sebep onıñ nefesi yetişmemey ve öksürik başladı, – dep Lilâ Suleymanova onıñ alını tasvirledi.

2021 senesi rus makemesi “Hizb ut-Tahrir davası”nda Amet Suleymanovnı 12 senege maküm etti.

Üç senedir Suleymanov, sağlıq alı sebebinden, ev tevqifi astında buluna edi. Jurnalist, arteriya ve mitral qalp kemligini çeke, onıñ qalp qapaqçığını acelen deñiştirmek kerek.

Bu sene çiçek ayınıñ 6-sında Amet Suleymanovnı tevqif ettiler ve izolâtorğa ketirdiler. Advokat Emilâ Kurbedinovanıñ bilgilerine köre, er vaqıt Suleymanov, baş ve qalp ağrısına şikayet ete.

“Memorial” uquq qorçalayıcı merkezi Amet Suleymanovnı siyasiy mabüs olaraq tanıdılar.