Yarımada işğal astında qalsa, qırımtatar milleti yoq ola bilir – Cemilev

26 Aprel 2023

Qırım rus işğali astında qalsa, qırımtatar milleti yoq ola bilir.

«Qırım Wave» forumı vaqtında qırımtatar halqınıñ lideri Mustafa Cemilev, dep Ukrinform haber berdi.

– Qırım rusiyeniñ terkibinde qalsa, bir millet olaraq qırımtatarlar tamamınen yoq olur. Bizim tilimiz ve medeniyetimiz yoq olur, ruslaştıruv keçirilir ve milliy identifikatiya yoq olur. Buña qarşı çıqqacaq insanlarğa qarşı repressiyalar keçirilir. rf terkibinde Qırımnıñ tamır halqınıñ pozitif istiqballeri yoq. Bunınñ içün bir insan Qırımnı rus toprağı olaraq tanayıq dep aytqanda biz ise qırımtatarlarnı qurban eteyik dep eşitemiz, – dep Cemilev ayttı.

O qayd etti ki, Qırımnıñ 9 senelik işğali, qırımtatarlarnıñ rusiye devletinde kelecegini kösterdi.

Cemilevniñ sözlerine köre, bu seneler boyunca tahminen 30 biñ qırımtatar Qırımdan ayırmağa mecbur qaldı, bu – sürgünlikten soñ Vatanına qaytqan qırımtatar halqınıñ bütün vekilleriniñ 10%-idir. Rus ordusına qanunsız mobilizatsiya daa tahminen 10 biñ qırımtatarnı Qırımdan ayırmağa mecbur etti. Bunıñ yerine yarımadağa deyerli 1 mln rus vatandaşı keldi.